കോട്ടയം: എരുമേലിയില് കാട്ടുപോത്തിന്റെ ആക്രമണത്തില് കൊല്ലപ്പെട്ടവരുടെ കുടുംബത്തിന് പത്ത് ലക്ഷം രൂപ ധനസഹായം പ്രഖ്യാപിച്ചു. മരിച്ചവരുടെ കുടുംബത്തിന് രണ്ട് ഗഡുക്കളായാണ് പണം ലഭിക്കുക. ആദ്യ ഗഡുവായ അഞ്ച് ലക്ഷം നാളെ ലഭിക്കുമെന്നും ബാക്കി അഞ്ച് ലക്ഷം നടപടിക്രമങ്ങള് പൂര്ത്തിയായ ശേഷം നല്കുമെന്നും കോട്ടയം കളക്ടര് പറഞ്ഞു.
ആക്രമണം നടന്ന മേഖലയില് ഫോറസ്റ്റ് ബീറ്റ് വേണമെന്ന ആവശ്യം ജനങ്ങള് ഉന്നയിച്ചിട്ടുണ്ട്. അക്കാര്യം പരിഗണിക്കും. ആക്രമണം നടത്തിയ കാട്ടുപോത്ത് വനത്തിനുള്ളിലേക്ക് കയറി പോയിട്ടുണ്ട്. ഇത് വീണ്ടും ജനവാസ മേഖലയിലേക്ക് എത്തിയാല് വെടിവെയ്ക്കാന് ഉത്തരവ് പുറപ്പെടുവിച്ചിട്ടുണ്ടെന്നും കളക്ടര് വീശദീകരിച്ചു. കണമലയില് കാട്ടുപോത്തിന്റെ ആക്രമണത്തില് രണ്ട് പേരാണ് മരിച്ചത്. പുറത്തേല് ചാക്കോച്ചന് (65), പ്ലാവനാക്കുഴിയില് തോമസ് (60) എന്നിവരാണ് മരിച്ചത്.
