കൊച്ചി: പ്രധാനമന്ത്രി നരേന്ദ്ര മോദിക്കെതിരെ പരാതി. കൊച്ചിയിലെ റോഡ് ഷോയോട് അനുബന്ധിച്ച് ഗതാഗത നിയമം തെറ്റിച്ച് തുറന്ന ഡോറില് തൂങ്ങി യാത്ര നടത്തിയെന്നാണ് പരാതി. തിരുവില്വാമല സ്വദേശി ജയകൃഷ്ണനാണ് പരാതിക്കാരന്. ഡ്രൈവറുടെ കാഴ്ച മറയ്ക്കും വിധം ഗ്ലാസ് പൂക്കള് കൊണ്ട് മറച്ചുവെന്നും പരാതിയില് പറയുന്നു. നിയമം എല്ലാവര്ക്കും ബാധകമെന്ന് സമൂഹത്തെ ബോധ്യപ്പെടുത്താന് നടപടി വേണമെന്നും പരാതിക്കാരന് ആവശ്യപ്പെട്ടുന്നു. ഡിജിപിക്കും മോട്ടോര് വാഹന വകുപ്പിനുമാണ് പരാതി നല്കിയിരിക്കുന്നത്.
കേരളീയ വേഷത്തിലെത്തിയ മോദി, ആദ്യം കാല്നടയായും പിന്നീട് വാഹനത്തിലുമായി റോഡരികില് നിന്നവരെ അഭിവാദ്യം ചെയ്തു. കാറിന്റെ ഡോര് തുറന്നിട്ട് ഫൂട്ട്ബോഡില് തൂങ്ങി നിന്ന് ഒരു കൈ വീശിയായിരുന്നു പ്രധാനമന്ത്രിയുടെ യാത്ര. തിരുവനന്തപുരത്തും മോദി സമാനമായി യാത്ര ചെയ്തിരുന്നു.
