കോഴിക്കോട് : ആവിക്കല് മാലിന്യപ്ലാന്റ് വിഷയം ചര്ച്ച ചെയ്യാന് കോഴിക്കോട് തോപ്പയിലില് രവീന്ദ്രന് എംഎല്എ വിളിച്ചു ചേര്ത്ത ജനസഭയില് സംഘര്ഷം. അന്യായമായി സംഘം ചേർന്നതിന് സ്ത്രീകൾ അടക്കം 75പേർക്കെതിരെയാണ് കേസ് രജിസ്റ്റര് ചെയ്തിരിക്കുന്നത്.
അറുപത്തേഴാം വാര്ഡിലെ ജനസഭക്കിടെയാണ് സംഘര്ഷം. കോഴിക്കോട് നോര്ത്ത് എംഎല്എ തോട്ടത്തില് രവീന്ദ്രന് വിളിച്ച യോഗത്തിലേക്ക് ആവിക്കല് സമര സമിതി പ്രവര്ത്തകരെ വിളിച്ചിരുന്നില്ല. എന്നാല് സമരസമിതി പ്രവര്ത്തകര് ജനസഭ ഉണ്ടെന്നറിഞ്ഞ് സ്ഥലത്തെത്തി. പദ്ധതിയെ കുറിച്ചുള്ള ആശങ്കള് അടങ്ങിയ ചോദ്യങ്ങള് തയ്യാറാക്കിയാണ് ഇവര് എത്തിയത്. ഇത് ചോദിക്കാന് അവസരം നിഷേധിച്ചതോടെയാണ് പ്രശ്നം തുടങ്ങിയത്. എംഎല്എക്കെതിരെ പ്രതിഷേധിച്ചവര്ക്കെതിരെ പോലീസ് ലാത്തിച്ചാര്ജ് നടത്തി. സ്വന്തം പാര്ട്ടിക്കാരെ മാത്രമാണ് എംഎല്എ ജനസഭക്ക് വിളിച്ചതെന്നാണ് പ്രതിഷേധക്കാര് ആരോപിക്കുന്നത്.
