കോഴിക്കോട് : കോണ്ഗ്രസ് ചിന്തന് ശിബിര് നാളെ കോഴിക്കോട് തുടങ്ങും.ഉദയ്പൂര് ചിന്തന് ശിബിരത്തിന്റെ മാതൃകയിലാകും ചര്ച്ചകള്. ലോക് സഭാ തെരഞ്ഞെടുപ്പ് തന്ത്രങ്ങള് രണ്ട് ദിവസം നീളുന്ന ചിന്തിന് ശിബിരത്തില് ചര്ച്ചയാകും.
കെ പി സി സി ഭാരവാഹികള്ക്കു പുറമേ ഡിസിസി പ്രസിഡന്റുമാരും പോഷകസംഘടനാ ഭാരവാഹികളുമടക്കം 200ലേറെ പ്രതിനിധികളാണ് കോഴിക്കോട് ബീച്ചിനു സമീപമുള്ള ആസ്പിന്കോര്ട്ട് യാര്ഡില് നടക്കുന്ന ചിന്തിന് ശിബിരത്തില് പങ്കെടുക്കുക. അടുത്ത ലോക്സഭാ തെരഞ്ഞെടുപ്പിനായി രൂപീകരിക്കേണ്ട കര്മ്മപദ്ധതിക്കായി പ്രത്യേക സെഷനും ശിബിരത്തിലുണ്ട്. തെരഞ്ഞെടുപ്പ് പ്രവര്ത്തന കലണ്ടറിനും രൂപം കൊടുക്കും. കെഎസ്യു യൂത്ത് കോണ്ഗ്രസ് അടക്കമുള്ള പോഷക സംഘടനകളുടെ പ്രവര്ത്തനവും വിലയിരുത്തപ്പെടും. കേരളത്തിന്റെ ചുമതലയുള്ള ജനറല് സെക്രട്ടറി താരീഖ്അന്വര്,മധ്യപ്രദേശ് മുന് മുഖ്യമന്ത്രി ദ്വിഗ് വിജയ് സിംഗ്,എ ഐ സി സി സെക്രട്ടറി വിശ്വനാഥന് പെരുമാള് എന്നിവര് എ ഐ സി സി യെ പ്രതിനിധീകരിച്ച് ചര്ച്ചകളില് ഉടനീളം പങ്കെടുക്കും.
