ന്യൂഡൽഹി : കോൺഗ്രസ് സംഘടനാ തിരഞ്ഞെടുപ്പ് ജൂണ്‍ മാസത്തിൽ നടത്തും. കോൺഗ്രസ് അധ്യക്ഷനെ തിരഞ്ഞെടുപ്പിലൂടെ നിശ്ചയിക്കാൻ പ്രവർത്തക സമിതിയിൽ തീരുമാനം. പുതിയ അധ്യക്ഷൻ ജൂൺ മാസത്തിൽ ചുമതലയേൽക്കുമെന്ന് എഐസിസി ജനറൽ സെക്രട്ടറി കെ.സി.വേണുഗോപാൽ പറഞ്ഞു.
നിയമസഭ തിരഞ്ഞെടുപ്പിനെ ബാധിക്കാതെയാവും സംഘടന തിരഞ്ഞെടുപ്പ് നടത്തുക. കാർഷിക നിയമം, കോവിഡ് വാക്സിനേഷൻ, അർണബിന്റെ ചാറ്റ് ചോർച്ച എന്നീ വിഷയങ്ങളിൽ കോൺഗ്രസ് പ്രവർത്തകസമിതി പ്രമേയം പാസാക്കി.
