പത്തനംതിട്ട : സ്വർണകൊള്ളക്ക് നേതൃത്വം കൊടുത്തിട്ട് കേരളത്തിലെ മുഴുവൻ പോലീസിനെയും സംരക്ഷണം നിർത്തി യാത്ര ചെയ്യേണ്ട ഗതികേടിലാണ് മുഖ്യമന്ത്രി പിണറായി വിജയനെന്ന് കെ പി സി സി മെമ്പർ പി മോഹൻരാജ് പറഞ്ഞു. മുഖ്യമന്ത്രി രാജി വെയ്ക്കണമെന്നാവശ്യപ്പെട്ടുകൊണ്ട് ബ്ലോക്ക് കോൺഗ്രസ് കമ്മിറ്റിയുടെ നേതൃത്തിൽ നഗരത്തിൽ നടത്തിയ പ്രതിഷേധയോഗം ഉദ്ഘാടനം ചെയ്യുകയായിരുന്നു അദ്ദേഹം.
ബ്ലോക്ക് പ്രസിഡന്റ് അബ്ദുൾ കലാം ആസാദ് അദ്ധ്യക്ഷത വഹിച്ചു. അഡ്വ എ സുരേഷ് കുമാർ , അനിൽ തോമസ്, അഡ്വ വെട്ടൂർ ജ്യോതിപ്രസാദ് , കെ ജാസിം കുട്ടി , അഡ്വ സുനിൽ എസ് ലാൽ , സാമുവൽ കിഴക്കുപുറം, റോജി പോൾ ഡാനിയേൽ , എ ഫറൂക്ക്, പി കെ ഇഖ്ബാൽ, നഹാസ് പത്തനംതിട്ട , ഏബൽ മാത്യു, അഫ്സൽ ആനപ്പാറ, പി കെ ഗോപി , ഷാനവാസ് പെരിങ്ങമല, ജോസ് കൊടുന്തറ , അഡ്വ സരോജ് മോഹൻ എന്നിവർ പ്രസംഗിച്ചു.
