പത്തനംതിട്ട : കോൺഗ്രസ്സ് യൂണിറ്റ് കമ്മറ്റികളുടെ (സി.യൂ.സി) രൂപീകരണം പൂർത്തിയാകുന്നതോടെ ജില്ലയിൽ കോൺഗ്രസ്സ് സജീവമാകുമെന്ന് രാഷ്ട്രീയ കാര്യസമതിയംഗം പ്രൊഫ.പി.ജെ. കുര്യൻ പറഞ്ഞു. പത്തനംതിട്ട രാജീവ് ഭവനിൽ കോൺഗ്രസ്സ് യൂണിറ്റ് കമ്മറ്റിയുടെ ജില്ല ഓഫീസ് ഉദ്ഘാടനം ചെയ്യുകയായിരുന്നു അദ്ദേഹം . പൊതുസമൂഹത്തിലെ വിഷയങ്ങൾ ഏറ്റെടുത്ത് ജനങ്ങളുടെ വിശ്വാസം ആർജ്ജിക്കാൻ യൂണിറ്റ് കമ്മറ്റികൾക്ക് കഴിയണമെന്നും അദ്ദേഹം പറഞ്ഞു.
ഡി.സി.സി പ്രസിഡൻ്റ് പ്രൊഫ.സതീഷ് കൊച്ചുപറമ്പിൽ ചടങ്ങിൽ അദ്ധ്യക്ഷത വഹിച്ചു. കെ.പി.സി സി ജനറൽ സെൽട്ടറി അഡ്വ.കെ..ശിവദാസൻ നായർ, കെ.പി.സി.സി സംസ്ഥാന സെക്രട്ടറി അനീഷ് വരിക്കണ്ണാമല ,കെ.പി.സി.സി ഏക്സിക്യൂട്ടിവ് അംഗം ജോർജ് മാമൻ കൊണ്ടൂർ, സി.യു.സി ജില്ല കോ- ഓർഡിനേറ്ററായ അഡ്വ.ഏ.സുരേഷ്കുമാർ, അഡ്വ.വെട്ടൂർ ജ്യോതിപ്രസാദ്, സലിം പി ചാക്കോ ,ഡി.സി.സി ഭാരവാഹികളായ സാമുവേൽ കിഴക്കുപുറം, എലിസബേത്ത് അബു, അഡ്വ.ജോൺസൺ വിളവിനാൽ, എൻ.സി മനോജ്, സജി കൊട്ടയ്ക്കാട്, കെ.ജാസിംക്കുട്ടി, കാട്ടൂർ അബ്ദുൾ സലാം, അഡ്വ.റോഷൻ നായർ ബ്ലോക്ക് പ്രസിഡൻ്റുമാരായ റോയിച്ചൻ ഏഴികത്ത്, അബ്ദുൾ കലാം ആസാദ്, ജില്ല റിസോഴ്സ് പേഴ്സൺമാരായ പഴകുളം സതീഷ്,ഡോ.അജിത്ത് അയിരൂർ, ജോയമ്മ സൈമൺ എന്നിവർ പ്രസംഗിച്ചു.
