പത്തനംതിട്ട : ഗുരു നിത്യചൈതന്യയതി സാംസ്കാരിക സമുച്ചയത്തിന്റെയും അന്താരാഷ്ട്ര പഠന ഗവേഷണകേന്ദ്രത്തിന്റെയും നിര്മാണോദ്ഘാടനം ഫെബ്രുവരി 22(ഞായര്) രാവിലെ 11 ന് ശ്രീ ഗുരുമുരുക ക്ഷേത്രം ഓഡിറ്റോറിയത്തില് സാംസ്കാരിക വകുപ്പ് മന്ത്രി സജി ചെറിയാന് നിര്വഹിക്കും. അഡ്വ. കെ യു ജനീഷ് കുമാര് എംഎല്എ അധ്യക്ഷത വഹിക്കും. ആന്റോ ആന്റണി എംപി മുഖ്യാതിഥിയായി പങ്കെടുക്കും. ടൂറിസം വകുപ്പ് ഡെപ്യൂട്ടി ഡയറക്ടര് ആര് സി പ്രേംദാസ് റിപ്പോര്ട്ട് അവതരിപ്പിക്കും.
സംസ്ഥാന സര്ക്കാര് ഏഴ് കോടി രൂപ അനുവദിച്ച് ഗുരു നിത്യചൈതന്യയതി സാംസ്കാരിക സമുച്ചയവും അന്താരാഷ്ട്ര പഠന ഗവേഷണകേന്ദ്രവും മ്ലാന്തടം മുറ്റാക്കുഴി വായനശാല ജംഗ്ഷനിലാണ് നിര്മിക്കുന്നത്. ജില്ല പഞ്ചായത്ത് പ്രസിഡന്റ് ദീനാമ്മ റോയി, ജില്ല കളക്ടര് എസ് പ്രേം കൃഷ്ണന്, കോന്നി ബ്ലോക്ക് പഞ്ചായത്ത് പ്രസിഡന്റ് റോബിന് പീറ്റര്, ത്രിതല പഞ്ചായത്ത് അംഗങ്ങള്, ജനപ്രതിനിധികള് തുടങ്ങിയവര് പങ്കെടുക്കും.
