കോന്നി : കോന്നി പഞ്ചായത്തിലെ കുപ്പക്കര മുരിങ്ങ മംഗലം റോഡ് നിർമ്മാണം ഇഴഞ്ഞ് നീങ്ങുന്നു. പത്ത് ലക്ഷം രൂപയുടെ നിർമ്മാണ പ്രവർത്തനങ്ങൾ ആണ് നടക്കുന്നത്. കഴിഞ്ഞ ഡിസംബറിൽ ആണ് റോഡ് പുനർനിർമ്മാണം ആരംഭിച്ചത്. എന്നാൽ നിർമാണ പ്രവർത്തനങ്ങൾ ഇപ്പോഴും ഇഴഞ്ഞ് നീങ്ങുകയാണ്. മുരിങ്ങ മംഗലം കവലയിൽ സ്ഥാപിച്ചിരിക്കുന്ന റോഡ് നിർമ്മാണം പുരോഗമിക്കുന്നു എന്ന ബോർഡ് മാത്രമാണ് ഇപ്പോഴുള്ളത്. മുൻപ് കുണ്ടും കുഴിയും നിറഞ്ഞ റോഡായിരുന്നു ഇത്.
ഉന്നത നിലവാരത്തിൽ നിർമിക്കുന്ന റോഡ് നിർമ്മാണം ഇഴഞ്ഞ് നീങ്ങുന്നതിൽ വലിയ അമർഷത്തിൽ ആണ് നാട്ടുകാർ. കോന്നിയിൽ നിന്ന് ആമക്കുന്ന് കുപ്പക്കര വഴി കോന്നിയിൽ എത്തിച്ചേരുവാൻ ഉള്ള റോഡാണിത്. കോന്നി തണ്ണിത്തോട് റോഡിൽ ഗതാഗത തടസം ഉണ്ടായാൽ പ്രയോജനപ്പെടുത്തുന്നതും ഈ റോഡാണ്. റോഡ് നിർമ്മാണത്തിൽ കരാറുകാരൻ കാണിക്കുന്ന അലംഭാവം ആണ് റോഡ് നിർമ്മാണം വൈകുന്നതിനു കാരണം എന്നാണ് ജനങ്ങളുടെ ആരോപണം. അച്ഛൻകോവിലാറ്റിൽ ജല നിരപ്പ് ഉയരുമ്പോൾ പ്രധാന റോഡിൽ വെള്ളം കയറുമ്പോൾ ഈ വഴിയാണ് വാഹനങൾ വഴി തിരിച്ച് വിടുന്നത്. റോഡ് നിർമ്മാണം ഇഴഞ്ഞ് നീങ്ങുന്നതിൽ നാട്ടുകാരുടെ പ്രതിഷേധം ശക്തമാണ്.
