ചെങ്ങന്നൂര്‍ : ചെങ്ങന്നൂര്‍ കോഴഞ്ചേരി റോഡിലെ പുത്തന്‍കാവ് പാലത്തിന് ബലക്ഷയം ഉണ്ടായതിനെ തുടര്‍ന്ന് പാലം പൊളിച്ചു നീക്കി പുതിയ പാലത്തിന്റെ നിര്‍മ്മാണ പ്രവൃത്തികള്‍ നടന്നു വരികയാണ്. പ്രതികൂല കാലാവസ്ഥയും കോവിഡും മൂലം നിര്‍മ്മാണ പ്രവൃത്തികള്‍ മന്ദഗതിയിലായെങ്കിലും, ഇതു മൂലം പൊതുജനങ്ങള്‍ക്കുണ്ടാകുന്ന ബുദ്ധിമുട്ടുകള്‍ മനസ്സിലാക്കി ശബരിമല മണ്ഡലകാലം തീരുന്നതിനു മുമ്പായി പാലത്തിന്റെ നിര്‍മ്മാണ പ്രവൃത്തികള്‍ പൂര്‍ത്തീകരിക്കുന്നതിന് ബന്ധപ്പെട്ട ഉദ്യോഗസ്ഥര്‍ക്ക് കര്‍ശന നിര്‍ദ്ദേശം നല്കിയതായി മന്ത്രി സജി ചെറിയാന്‍ അറിയിച്ചു.
