തിരുവനന്തപുരം : കിളിമാനൂര് ഇരട്ടച്ചിറയിലെ ബസ് കാത്തിരിപ്പ് കേന്ദ്രം ചരക്ക് ലോറി ഇടിച്ച് തകര്ന്നു. ഇന്ന് പുലര്ച്ചെയായിരുന്നു സംഭവം. തിരുവനന്തപുരം ഭാഗത്തേയ്ക്ക് പോവുകയായിരുന്ന ലോറിയാണ് ഇടിച്ചത്. അപകടത്തില് ആര്ക്കും പരിക്കില്ല. അതിരാവിലെ ആയതിനാല് ബസ് കാത്തിരിപ്പ് കേന്ദ്രത്തില് ആരും ഉണ്ടായിരുന്നില്ല.
കഴിഞ്ഞ ദിവസം ആര്യനാടിന് സമീപം ബസ് കാത്തിരിപ്പ് കേന്ദ്രത്തില് കെഎസ്ആര്ടിസി ബസ് ഇടിച്ച് കോണ്ക്രീറ്റ് മേല്ക്കൂര തകര്ന്നു വീണ് ഒരാള് മരിക്കുകയും അഞ്ച് വിദ്യാര്ഥികള്ക്ക് പരിക്കേല്ക്കുകയും ചെയ്തിരുന്നു. ബുധനാഴ്ച രാവിലെ 8.45ന് ഈഞ്ചപ്പുരി ചെറുമഞ്ചലിലായിരുന്നു അപകടം. ചെറുമഞ്ചല് ചിത്തിര ഭവനില് സി സോമന് നായര് (65) ആണ് മരിച്ചത്.
