പന്തളം : നിർമ്മാണ തൊഴിലാളി യൂണിയൻ (സി.ഐ.റ്റി.യു) പന്തളം ഏരിയ കൺവെൻഷൻ പത്തനംതിട്ട ജില്ലാ ജോയിന്റ് സെക്രട്ടറി സി.രാജേന്ദ്രൻ ഉദ്ഘാടനം ചെയ്തു. ഏരിയ കമ്മിറ്റി വൈസ് പ്രസിഡന്റ് ബി.ബിനു അധ്യക്ഷത വഹിച്ചു. ഏരിയ കമ്മിറ്റി സെക്രട്ടറി കെ.മോഹൻദാസ് പ്രവർത്തന റിപ്പോർട്ട് അവതരിപ്പിച്ചു. എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെ സി.ഐ.റ്റി.യു പന്തളം ഏരിയ കമ്മിറ്റി സെക്രട്ടറി വി.പി.രാജേശ്വരൻ നായർ അനുമോദിച്ചു. പന്തളം നഗരസഭ കൗൺസിലറായി തെരഞ്ഞെടുക്കപ്പെട്ട കെ.മോഹൻദാസ്, നിർമ്മാണ തൊഴിൽ മേഖലയിലെ മികച്ച പ്രവർത്തകനായ പി.ബാബു എന്നിവരെ ചടങ്ങിൽ ആദരിച്ചു.
കെ.എസ്.കെ.റ്റി.യു പന്തളം ഏരിയ കമ്മിറ്റി സെക്രട്ടറി കെ.കെ.സുധാകരൻ, ഓട്ടോ, ടാക്സി തൊഴിലാളി യൂണിയൻ പത്തനംതിട്ട ജില്ലാ കമ്മിറ്റി അംഗം പി.കെ. ശാന്തപ്പൻ, നിർമ്മാണ തൊഴിലാളി യൂണിയൻ പന്തളം ഏരിയ കമ്മിറ്റി പ്രസിഡന്റ് പി.എൻ. അശോകൻ, ട്രഷറർ കെ.എച്ച്.ഷിജു, ജില്ലാ കമ്മിറ്റി അംഗങ്ങളായ പി.ബാബു, കെ.ലീല എന്നിവർ സംസാരിച്ചു. പുതിയ ഭാരവാഹികളായി പി.എൻ. അശോകൻ (പ്രസിഡന്റ്), ബി.ബിനു, എസ്.ശശി (വൈസ് പ്രസിഡന്റ്മാർ), കെ.മോഹൻദാസ് (സെക്രട്ടറി), ഉത്തമൻ നായർ, പി.വി.സിജു (ജോയിന്റ് സെക്രട്ടറിമാർ), കെ.എച്ച്.ഷിജു (ട്രഷറർ) എന്നിവരെ തെരഞ്ഞെടുത്തു.
