ജിനാന് : ചൈനീസ് തീരത്ത് ചരക്കുകപ്പല് അപകടത്തില് പെട്ട് മുങ്ങി. അപകടത്തില്, നാലു പേര് മരിച്ചതായി റിപ്പോര്ട്ട്. കപ്പലി ലുണ്ടായിരുന്ന ഏഴ് പേരെ കാണാനില്ലെന്നും അധികൃതര് അറിയിച്ചിട്ടുണ്ട്. ചൈനയുടെ കിഴക്കന് തീരമായ യാന്തായ് നഗരത്തിന്റെ തീരത്തിനടുത്താണ് അപകടമുണ്ടായത്. ഞായറാഴ്ച പുലര്ച്ചെയാണ് കപ്പലപകടം നടന്നതെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു. രക്ഷാപ്രവര്ത്തകര് മൂന്നു പേരെ രക്ഷിച്ചതായും നാലു പേരുടെ മൃതദേഹങ്ങള് കണ്ടെടുത്തതായും അറിയിച്ചു. ആകെ മൊത്തം, 14 യാത്രക്കാരാണ് ചരക്കുകപ്പലില് ഉണ്ടായിരുന്നത്. കൂടുതല് വിവരങ്ങള് ലഭ്യമായിട്ടില്ല.
