റാന്നി : മാര്ച്ച് 28, 29തീയതികളില് രാജ്യത്തെ ട്രേഡ് യൂണിയൻ സംയുക്ത സമര സമിതിയുടെ നേതൃത്വത്തില് നടത്തുന്ന ദേശവ്യാപക പ്രക്ഷോഭത്തിന്റെ ഭാഗമായുള്ള റാന്നി മണ്ഡലം കൺവൻഷൻ നടത്തി. ലേബർ കോഡുകളും പ്രതിരോധ മേഖലയിലെ പണിമുടക്ക് നിരോധന നിയമവും പിൻവലിക്കുക, പൊതുമേഖലാ സ്ഥാപനങ്ങളുടെ സ്വകാര്യ വൽക്കരണം അവസാനിപ്പിക്കുക, തൊഴിലുറപ്പ് പദ്ധതി വിഹിതം പുന:സ്ഥാപിക്കുക, കാർഷിക മേഖലയിലെ പ്രശ്നം പരിഹരിക്കുക, കരാർ, പുറംകരാര്, കാഷ്വൽ നിയമങ്ങൾ പിന് വലിക്കുക തുടങ്ങിയ 12 ഇന ആവശ്യങ്ങൾ ഉന്നയിച്ചു കൊണ്ടാണ് ട്രേഡ് യൂണിയൻ സംയുക്ത സമിതിയുടെ നേതൃത്വത്തിൽ രാജ്യ വ്യാപക ദ്വിദിന ദേശീയ പണിമുടക്ക് നടത്തുന്നത്.
സി.ഐ.ടി.യു ജില്ലാ ജോയിന്റ് സെക്രട്ടറി എസ് ഹരിദാസ് ഉദ്ഘാടനം ചെയ്തു. എ.ജി ആനന്ദന്പിള്ള അധ്യക്ഷത വഹിച്ചു. എ.ഐ.ടി.യു.സി സംസ്ഥാന ട്രഷറര് എം.വി വിദ്യാധരന്, പി.ആര് പ്രസാദ്, കെ.കെ സുരേന്ദ്രന്, പി.വി വര്ഗീസ്, ടി.ജെ ബാബുരാജ്, എം.വി പ്രസന്നകുമാര്, വി.ടി ലാലച്ചന്, സന്തോഷ് കെ.ചാണ്ടി,എ.ജി ഗോപകുമാര്, എസ്.ആര് സന്തോഷ് കുമാര്, നിസാംകുട്ടി, മോനായി പുന്നൂസ്, വി.കെ സണ്ണി, ജെയിംസ് ജോണ്, പി.ടി മാത്യു എന്നിവര് പ്രസംഗിച്ചു
