ബെയ്ജിംഗ് : കൊറോണ വൈറസ് ബാധമൂലം ചൈനയില് മരിക്കുന്നവരുടെ എണ്ണം കൂടുന്നു. ഇന്നലെ മാത്രം 86പേര് മരണത്തിന് കീഴടങ്ങി. മൂവായിരത്തി മുന്നൂറ്റി തൊണ്ണൂറ്റി ഒന്പതുപേര്ക്കുകൂടി രോഗം സ്ഥീകരിച്ചതോടെ ചികില്സയിലുള്ളവരുടെ എണ്ണം മുപ്പത്തിനാലായിരത്തി അഞ്ഞൂറു കടന്നു.
കൊറോണ വൈറസ് മനുഷ്യരിലേക്ക് എത്തിച്ചത് ഈനാംപേച്ചികളെന്ന നിഗമനത്തിലേക്ക് എത്തുകയാണ് ഗവേഷകര്. ഈനാംപേച്ചിയില് കണ്ടെത്തിയ കൊറോണ വൈറസിന്റെ ജനിതക ഘടനയ്ക്ക് രോഗം ബാധിച്ച മനുഷ്യരിലെ വൈറസിന്റെ ഘടനയുമായി 99 ശതമാനം സാദൃശ്യം സ്ഥിരീകരിച്ചു.
ചൈനയില് മാത്രം ഇതുവരെ 722പേര് മരിച്ചുവെന്നാണ് ഔദ്യോഗിക കണക്ക്. ഇത് സാര്സ് വൈറസ് മൂലം മരിച്ചവരുടെ എണ്ണത്തെക്കാള് കൂടുതലാണ്.2003ല് സാര്സ് രോഗംമൂലം 650പേരാണ് ചൈനയില് മരിച്ചത്. ജപ്പാനിലെ യോക്കോഹാമ തീരത്ത് നങ്കൂരമിട്ട ക്രൂസ് കപ്പലിലെ 61 യാത്രക്കാര്ക്ക് കൊറോണ വൈറസ് ബാധ സ്ഥിരീകരിച്ചു. ഹൊങ്കോങ് തീരത്തെ ഒരു കപ്പലില് മൂന്നുപേരില് വൈറസ് ബാധ കണ്ടെത്തി.
