ജനീവ : കൊറോണ വൈറസിന്റെ വകഭേദങ്ങളുടെ വ്യാപനത്തില് മുന്നറിയിപ്പുമായി ലോകാരോഗ്യ സംഘടന. ലോകത്ത് കൊറോണ സുനാമിയുണ്ടാകുമെന്ന് ലോകാരോഗ്യസംഘടനാ മേധാവി ടെഡ്രോസ് അദാനോം ഗെബ്രിയേസസ് പറഞ്ഞു. ആഗോള തലത്തില് കൊറോണ രോഗികളുടെ എണ്ണം വര്ദ്ധിക്കുന്ന സാഹചര്യത്തിലായിരുന്നു അദ്ദേഹത്തിന്റെ പ്രതികരണം.
നിലവില് കൊറോണയുടെ ഡെല്റ്റ, ഒമിക്രോണ് എന്നീ വകഭേദങ്ങളാണ് കൂടുതല് രോഗികളെ സൃഷ്ടിക്കുന്നത്. ഇരു വകഭേദങ്ങളുടെയും വ്യാപനം ലോകത്ത് കൊറോണ സുനാമിയ്ക്ക് കാരണമാകും. ഇത് തുടര്ന്നാല് നിലവിലെ ആരോഗ്യ സംവിധാനങ്ങള് തകരും. വീണ്ടും ജനങ്ങളുടെ ജീവിതവും ഉപജീവനവും സങ്കീര്ണമാകുമെന്നും അദ്ദേഹം പറഞ്ഞു. വാക്സിനേഷന് പ്രക്രിയ വേഗത്തിലാക്കുന്നതും പൊതുജനാരോഗ്യ-സാമൂഹിക സംവിധാനങ്ങള് ശക്തിപ്പെടുത്തുന്നതിലൂടെയും സ്ഥിതി വഷളാകുന്നത് ഒരു പരിധിവരെ നിയന്ത്രിക്കാനാകുമെന്ന് പ്രതീക്ഷിക്കുന്നു.
ഇരട്ട ഭീഷണികള്ക്ക് നടുവിലാണ് ലോമെന്നും അദ്ദേഹം ആശങ്കപ്രകടിപ്പിച്ചു. ഒമിക്രോണ്, ഡെല്റ്റ വ്യാപനത്തിന്റെ പശ്ചാത്തലത്തില് കഴിഞ്ഞ ഏതാനും ദിവസങ്ങളായി ലോകത്ത് കൊറോണ സ്ഥിരീകരിക്കുന്നവരുടെ എണ്ണം വര്ദ്ധിച്ചു വരികയാണ്. കഴിഞ്ഞ ഏഴ് ദിവസമായി ഒന്പത് ലക്ഷമാണ് പ്രതിദിന കൊറോണ കേസുകളുടെ എണ്ണം.
