തുറവൂര് : ബി.ജെ.പി. പ്രവര്ത്തകനെ വടിവാളുകൊണ്ട് മൂന്നംഗസംഘം വെട്ടിപ്പരിക്കേല്പ്പിച്ചു. കോടംതുരുത്ത് പഞ്ചായത്ത് 104 -ാം നമ്പര് ബൂത്ത് കമ്മിറ്റി അംഗം എഴുപുന്നതെക്ക് പാലക്കാത്തവീട്ടില് അജേഷ് ചന്ദ്രനാ(39)ണ് കൈക്ക് ഗുരുതരപരിക്കേറ്റ് എറണാകുളത്തെ സ്പെഷലിസ്റ്റ് ആശുപത്രിയില് ചികിത്സയിലുള്ളത്. തിങ്കളാഴ്ചരാത്രി 8.20-ന് വല്ലേത്തോട്ടിലായിരുന്നു സംഭവം.
കടയില്പ്പോയി മടങ്ങും വഴി വീടിനു സമീപത്തെ കലുങ്കില്വെച്ച് ‘വാവക്കുട്ടന്’ എന്നുവിളിക്കുന്ന പ്രവീണും മറ്റുരണ്ടുപേരും ചേര്ന്ന് അജേഷിനെ മര്ദിക്കുകയും ഇടതുകൈയില് വടിവാളുകൊണ്ട് വെട്ടുകയുമായിരുന്നു. അജേഷിന്റെ നിലവിളികേട്ട് ആള്ക്കൂട്ടമെത്തിയപ്പോള് ആയുധമുപേക്ഷിച്ച് പ്രതികള് ഓടിരക്ഷപ്പെടുകയുമായിരുന്നു.
