തിരുവനന്തപുരം : യൂത്ത് കോണ്ഗ്രസുകാരെ കൈയേറ്റം ചെയ്ത കേസില് മുഖ്യമന്ത്രിയുടെ പേഴ്സനല് സ്റ്റാഫ് അടക്കമുള്ളവര്ക്കുമെതിരെ എഫ്.ഐ.ആര് രജിസ്റ്റര് ചെയ്യാന് കോടതി നിര്ദേശം.
ഇ.പി ജയരാജന്, മുഖ്യമന്ത്രിയുടെ പേഴ്സനല് സ്റ്റാഫ് അംഗങ്ങളായ അനില് കുമാര്, സുനീഷ് വി.എം എന്നിവര്ക്കെതിരെയാണ് എഫ്.ഐ.ആര് രജിസ്റ്റര് ചെയ്യുക. തിരുവനന്തപുരം ഒന്നാം ക്ലാസ്സ് ജുഡീഷ്യല് മജിസ്ട്രേറ്റ് കോടതി മജിസ്ട്രേറ്റ് ലെനി തോമസിന്റേതാണ് ഉത്തരവ്.മനപ്പൂര്വമല്ലാത്ത നരഹത്യ, വധ ശ്രമം, ക്രിമിനല് ഗൂഢാലോചന എന്നീ വകുപ്പുകള് പ്രകാരം കേസ് രജിസ്റ്റര് ചെയുവാനാണ് കോടതി നിര്ദേശം.
