ന്യുഡല്ഹി : രാജ്യത്ത് കോവിഡ് കേസുകളില് വര്ധനവ്. കഴിഞ്ഞ 24 മണിക്കൂറിനുള്ളില് 7,240 പേര്ക്ക് കൂടി കോവിഡ് സ്ഥിരീകരിച്ചു.പ്രതിദിന കേസുകളില് 40% വര്ധനവാണ് വന്നിരിക്കുന്നതെന്ന് സര്ക്കാര് പുറത്തുവിട്ട രേഖകളില് പറയുന്നു. ഇന്നലെ 3,591 പേര് രോഗമുക്തരായെങ്കിലും സജീവ രോഗികളുടെ എണ്ണം 32,498 ആയി ഉയര്ന്നു. മഹാരാഷ്ട്രയില്, പ്രത്യേകിച്ച് മുംബൈയില് കോവിഡ് വ്യാപിക്കുകയാണ്. പുതിയ കേസുകളില് 42% വര്ധനവാണ് ബുധനാഴ്ച റിപ്പോര്ട്ട് ചെയ്തിരിക്കുന്നത്. നാല് മാസത്തിനു ശേഷം പ്രതിദിന കേസുകള് രണ്ടായിരം കടന്നു. മുംബൈയില് മാത്രം ഇന്നലെ 1,765 കേസുകള് റിപ്പോര്ട്ട് ചെയ്തു. രാജ്യത്ത് ഇതുവരെ 4,31,97,522 പേര്ക്ക് കോവിഡ് സ്ഥിരീകരിച്ചു. ഇന്നലെ 8 മരണം കൂടി റിപ്പോര്ട്ട് ചെയ്തതോടെ ആകെ മരണം 5,24,723 ആയി.
24 മണിക്കൂറിനുള്ളില് 7,240 പേര്ക്ക് കൂടി കോവിഡ് സ്ഥിരീകരിച്ചു
RECENT NEWS
Advertisment