തിരുവനന്തപുരം : കേരളത്തില് കോവിഡ് കേസുകള് ഇനിയും ഉയരാന് സാധ്യതയുണ്ടെന്ന് ആരോഗ്യവകുപ്പിന്റെ വിലയിരുത്തല്. കോവിഡ് പ്രതിരോധത്തിലെ അശ്രദ്ധയാണ് രോഗവ്യാപനത്തിന് പ്രധാനകാരണമെന്ന് ആരോഗ്യവിദഗ്ധര് പറയുന്നു. അതേസമയം സംസ്ഥാനത്ത് ഇന്നലെയും പ്രതിദിന രോഗികളുടെ എണ്ണം ആയിരം കടന്നു. സംസ്ഥാനത്ത് ഏഴാം ദിവസവും കോവിഡ് കേസുകള് ആയിരത്തിന് മുകളില് എത്തി. ഇന്നലെ മാത്രം 1494 പ്രതിദിനരോഗികള്. ടെസ്റ്റ് പൊസിറ്റിവിറ്റി നിരക്ക് 10ന് മുകളില് തന്നെ തുടരുന്നു. കോവിഡ് വ്യാപനം ഇനിയും ഉയരുമെന്നാണ് ആരോഗ്യവകുപ്പിന്റെ നിലവിലെ വിലയിരുത്തല്.
രോഗവ്യാപത്തിന് പ്രധാനകാരണം മാസ്കും മറ്റ് കോവിഡ് പ്രതിരോധമാര്ഗങ്ങളും അവഗണിക്കുന്നതുകൊണ്ടാണ്. സ്കൂളുകളില് കൂടുതല് ജാഗ്രത വേണം. ഇനിയും വാക്സിന് സ്വീകരിക്കവരുടെ എണ്ണം ആശങ്കെപ്പെടുത്തുന്നതാണ്. ഇവര് അതിവേഗം വാക്സിന് സ്വീകരിക്കണമെന്നും ആരോഗ്യവകുപ്പ് അറിയിച്ചു. രോഗവ്യാപനം കൂടുതലുള്ള എറണാകുളം, തിരുവനന്തപുരം, കോട്ടയം ജില്ലകളില് ആരോഗ്യവകുപ്പിന്റെ പ്രത്യേക നിരീക്ഷണവുമുണ്ട്.
