ഡല്ഹി : ഇറ്റലിയില് നിന്ന് അമൃത്സറിലെത്തിയ എയര് ഇന്ത്യ വിമാനത്തിലെ 125 യാത്രക്കാരുടെ കോവിഡ് ടെസ്റ്റ് പോസിറ്റീവ്. വിമാനത്താവളത്തില് നടത്തിയ പരിശോധനയിലാണ് കോവിഡ് സ്ഥിരീകരിച്ചത്. രാജ്യത്ത് കോവിഡ് ഉഗ്രവ്യാപനമാണ് നടക്കുന്നത്. പ്രതിദിന കോവിഡ് രോഗികളുടെ എണ്ണം ഒരു ലക്ഷത്തോളം എത്തി. വൈറസിന്റെ വ്യാപന ശേഷി ഇതുവരെയുള്ളതില് വെച്ച് ഏറ്റവും ഉയര്ന്ന നിരക്കായ 2.69 ആയി.
രാജ്യത്ത് ഒമിക്രോണ് കേസുകളും ക്രമാതീതമായി ഉയരുകയാണ്. ആകെ കേസുകള് കേസുകള് 2630 ആയി. 797 കേസുകളുമായി മഹാരാഷ്ട്രയാണ് മുന്നില്. ഡല്ഹിയില് 465 കേസുകള്. പട്ടികയില് കേരളം നാലാമതാണ്. 995 ഒമിക്രോണ് ബാധിതര് ഇതുവരെ രോഗമുക്തരായി. പോസിറ്റിവിറ്റി നിരക്ക് 6.43 ശതമാനമായി ഉയര്ന്നു.
മഹാരാഷ്ട്ര, ബംഗാള്, ഡല്ഹി സംസ്ഥാനങ്ങളിലാണ് രോഗബാധ അതിവേഗം ഉയരുന്നത്. ഡല്ഹിയില് ഇന്നും കേസുകള് വന് തോതില് ഉയരുമെന്ന് ആരോഗ്യമന്ത്രി സത്യേന്ദ്ര ജയിന് അറിയിച്ചു. 8 ദിവസത്തിനിടെ പ്രതിദിന കേസുകള് 6 മടങ്ങ് വര്ധിച്ചു. കോവിഡ് സ്ഥിരീകരിച്ച ഓരോ 10 പേരില് നിന്ന് 26 പേരിലേക്ക് രോഗം പടരാന് സാധ്യതയെന്നാണ് വിലയിരുത്തല്. നഗരങ്ങളിലാണ് കേസുകള് കൂടുതലും റിപ്പോര്ട്ട് ചെയ്യുന്നത്. കേസുകള് വര്ധിക്കുമ്പോഴും മരണസംഖ്യയിലും ചികിത്സ തേടുന്നവരുടെ എണ്ണത്തിലും രണ്ടാം തരംഗത്തെ അപേക്ഷിച്ച് കുറവുണ്ടാകുന്നത് ആശ്വാസകരമാണ്. ഇന്നലെ 325 പേര് രോഗം ബാധിച്ച് മരിച്ചു.
