സൗദി: കൊവിഡ് 19 ബാധിച്ച് ഒരു പ്രവാസി മലയാളി കൂടി മരിച്ചു. മലപ്പുറം മക്കരപറമ്പ് സ്വദേശിയായ അരിക്കത്ത് ഹംസ അബുബക്കറാണ് (59 ) മക്കയില് മരിച്ചത്. ഇന്ന് പുലര്ച്ചെ രണ്ടുമണിയോടെയായിരുന്നു മരണം സംഭവിച്ചത്. ഉദരസംബന്ധമായ അസുഖങ്ങളെ തുടര്ന്ന് ആശുപത്രിയില് ചികിത്സയില് കഴിയുന്നതിനിടെയാണ് ഇദ്ദേഹത്തിന് കൊവിഡ് സ്ഥിരീകരിച്ചത്.
അതേസമയം സൗദിയില് 1344 പേര്ക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്താകെ റിപ്പോര്ട്ട് ചെയ്യപ്പെട്ട കോവിഡ് ബാധിതരുടെ എണ്ണം 24097 ആയി. പുതിയ രോഗികളില് 17 ശതമാനം സ്വദേശികളും 83 ശതമാനം വിദേശികളുമാണ്. 392 പേര് പുതിയതായി സുഖം പ്രാപിച്ചു. ആകെ രോഗമുക്തരുടെ എണ്ണം 3555 ആയി. ചികിത്സയില് കഴിയുന്ന 20373 ആളുകളില് 117 പേര് ഗുരുതരാവസ്ഥയില് തീവ്രപരിചരണ വിഭാഗത്തിലാണ്. വീടുകളിലും മറ്റ് താമസകേന്ദ്രങ്ങളിലും ചെന്നുള്ള മെഡിക്കല് ടീമുകളുടെ പരിശോധന തുടരുകയാണ്. നാലുപേര് കൂടി മരിച്ചതോടെ ജിദ്ദയില് മരണസംഖ്യ 41 ആയി. മൂന്നുപേരുടെ കൂടി മരണത്തോടെ മക്കയില് 72 ആയി.
The post കൊവിഡ് 19 ബാധിച്ച് ഒരു പ്രവാസി മലയാളി കൂടി മരിച്ചു appeared first on Pathanamthitta Media.
