തിരുവനന്തപുരം മെഡിക്കല് കോളജിലെ കോവിഡ് വാര്ഡില് രോഗമുക്തനായ യുവാവ് ആത്മഹത്യയ്ക്ക് ശ്രമിച്ചു. കഴക്കൂട്ടം സ്വദേശിയായ മുപ്പത്തിയേഴുകാരന്റെ നില അതീവഗുരുതരം. ഡിസ്ചാര്ജിന് തൊട്ടുമുമ്പാണ് ആത്മഹത്യാശ്രമം. ബാത് റുമില് തൂങ്ങി മരിക്കുന്നതിന് ശ്രമിക്കുകയായിരുന്നു. കുറച്ചു ദിവസങ്ങള്ക്കു മുന്പ് ഇയാളുടെ സഹോദരന് മരിച്ചിരുന്നു. സഹോദരന്റെ മരണത്തിലുണ്ടായ മാനസികമായ തകര്ച്ചയാണ് മരണത്തിലേയ്ക്ക് പോകാമെന്ന് തീരുമാനമെടുത്തത്.
ഈ മാസം ആദ്യമാണ് ഇയാളെ കോവിഡ് പോസിറ്റിവായതിന്റെ പേരില് ആശുപത്രിയില് പ്രവേശിപ്പിച്ചത്. കോവിഡ് മുക്തനായതിനെ തുടര്ന്ന് ഇന്ന് ഡിസ്ചാര്ജ് ചെയ്യാന് വേണ്ട നടപടികള് ആശുപത്രി അധികൃതര് സ്വീകരിച്ചിരുന്നു. വൈകുന്നേരത്തോടു കൂടി ബാത്റൂമില് പോയി വരാമെന്നു പറഞ്ഞ് കതകടച്ച് ഏറെ നേരമായിട്ടും തുറക്കാതെ വന്നപ്പോള് ആളുകള് ബലായി കതക് തുറന്നപ്പോഴാണ് ആത്മഹത്യയ്ക്ക് ശ്രമിച്ച നിലയില് കണ്ടത്.
