രാജ്യത്ത്​ കോവിഡ്​ പടര്‍ന്നു പിടിക്കുന്നു ; 24 മണിക്കൂറിനിടെ 9,996 പേര്‍ക്ക് കോവിഡ്

ന്യൂഡല്‍ഹി : രാജ്യത്ത്​ കോവിഡ്​ പടര്‍ന്നു പിടിക്കുന്നത്​ ആശങ്ക ഉയര്‍ത്തുന്നു. തുടര്‍ച്ചയായ ഒമ്പതാം ദിവസവും​ 9,000ത്തില്‍ അധികം പേര്‍ക്ക്​ കോവിഡ്​ സ്​ഥിരീകരിച്ചു. 24 മണിക്കൂറിനിടെ രാജ്യത്ത്​ 9,996 പേര്‍ക്കാണ്​​ കോവിഡ്​ റിപ്പോര്‍ട്ട്​ ചെയ്​തത്​.  ഇതോടെ രാജ്യത്ത്​ കോവിഡ്​ ബാധിതരുടെ എണ്ണം 2,86,576 ആയി ഉയര്‍ന്നു. ബുധനാഴ്​ച 357 പേര്‍ മരിച്ചു. 8,102 പേരാണ്​ ഇതുവരെ രാജ്യത്ത്​ മരിച്ചത്​. ഏറ്റവും കൂടുതല്‍ പേര്‍ക്ക്​ രോഗം സ്​ഥിരീകരിച്ചതും മരണം റിപ്പേര്‍ട്ട്​ ചെയ്​തതും മഹാരാഷ്​ട്രയിലാണ്​.