ന്യൂഡല്ഹി : രാജ്യത്ത് കഴിഞ്ഞ 24 മണിക്കൂറിനിടെ 34,457 പേര്ക്ക് കൊവിഡ് സ്ഥിരീകരിച്ചതായി കേന്ദ്ര ആരോഗ്യമന്ത്രാലയം അറിയിച്ചു. 375 പേര് രോഗം ബാധിച്ച് മരിച്ചതായി സ്ഥിരീകരിച്ചു. രാജ്യത്ത് രോഗം ബാധിച്ച് ചികിത്സയിലുളളവര് 3,61,340 ആണ്. കഴിഞ്ഞ 151 ദിവസങ്ങള്ക്കിടെ ഏറ്റവും കുറഞ്ഞ കണക്കാണിത്.
വിവിധ സംസ്ഥാനങ്ങളിലെ കണക്ക് പരിശോധിച്ചാല് 23,224 കേസുകള് റിപ്പോര്ട്ട് ചെയ്ത കേരളമാണ് ഒന്നാമത്. മഹാരാഷ്ട്രയില് 4365 കേസുകളും തമിഴ്നാട്ടില് 1668 കേസുകളുമാണ് റിപ്പോര്ട്ട് ചെയ്തത്. 105 പേര് മരിച്ച മഹാരാഷ്ട്രയിലും 99 പേര് മരിച്ച കേരളത്തിലുമാണ് ഏറ്റവുമധികം പ്രതിദിന കൊവിഡ് മരണം. രാജ്യത്ത് ആകെ വിതരണ ചെയ്തത് 57.61 കോടി ഡോസ് വാക്സിനാണ്.