ന്യൂഡല്ഹി : ഇന്ത്യയില് ഉള്പ്പെടെ കോവിഡ് കേസുകള് കുറയുന്നതിനിടെ പുതിയ കോവിഡ് വകഭേദം കണ്ടെത്തിയതായി ലോകാരോഗ്യ സംഘടന. യുകെയിലാണ് പുതിയ കോവിഡ് വകഭേദമായ എക്സ്ഇ (XE) കണ്ടെത്തിയത്. കോവിഡ് വകഭേദമായ ഒമിക്രോണിനേക്കാള് വേഗം എക്സ്ഇ പകരാന് സാധ്യതയുണ്ടെന്നും ലോകാരോഗ്യ സംഘടന അറിയിച്ചു.
എക്സ്ഇ എന്നത് ബിഎ’1, ബിഎ.2 ഒമിക്രോണ് സ്ട്രെയിനുകളില് മ്യൂട്ടേഷന് സംഭവിച്ച് ഉണ്ടായിരിക്കുന്നതാണ്. എക്സ്ഇ ഒമിക്രോണിന്റെ ബിഎ.2 സബ് വേരിയന്റിനേക്കാള് പത്ത് ശതമാനം കൂടുതല് വേഗത്തില് പകരാന് സാധ്യതയുണ്ടെന്നും ലോകാരോഗ്യ സംഘടന അറിയിച്ചു. ജനുവരി 19നാണ് എക്സ്ഇ കണ്ടെത്തിയത്. 637 പേരില് പുതിയ കോവിഡ് വകഭേദം കണ്ടെത്തിയിട്ടുണ്ട്.
