കാഞ്ഞിരപ്പള്ളി : പി സി ജോര്ജിനെതിരെ വിമര്ശനവുമായി എസ്എന്ഡിപി യോഗം ജനറല് സെക്രട്ടറി വെള്ളാപ്പളളി നടേശന് രംഗത്ത്. ജനം വളരെ ആഗ്രഹിച്ച മാറ്റമാണ് പൂഞ്ഞാറില് ഇത്തവണയുണ്ടായതെന്ന് അദ്ദേഹം പറഞ്ഞു. കാഞ്ഞിരപ്പള്ളിയില് അന്പത്തഞ്ചാം നമ്പര് എസ്എന്ഡിപി ശാഖാ യോഗം സംഘടിപ്പിച്ച സമ്മേളനത്തിലാണ് വെള്ളാപ്പള്ളിയുടെ വിമര്ശനം. മാറി മാറി കാലുമാറുന്ന പൂഞ്ഞാറിലെ പൂഞ്ഞാനെ പോലൊരാളെ താനിന്ന് വരെ കണ്ടിട്ടില്ല. ഓരോ ജാതിയെയും തരം പോലെ കൊണ്ട് നടന്നയാള് സ്വന്തം മകന് വിവാഹം കഴിച്ചപ്പോള് പെണ്ണിനെ മതം മാറ്റിയെന്നും വെള്ളാപ്പള്ളി ആരോപിച്ചു.
