കോയമ്പത്തൂര് : കോവില്പാളയത്തെ സ്വകാര്യ റസിഡന്ഷ്യല് നീറ്റ് പരീക്ഷ പരിശീലന കേന്ദ്രത്തില് വിദ്യാര്ഥിനിയെ ആത്മഹത്യ ചെയ്ത നിലയില് കണ്ടെത്തി.
കോയമ്പത്തൂര് വടവള്ളി സ്വദേശിനി ശ്വേത(19) ആണ് ഹോസ്റ്റല്മുറിയില് തൂങ്ങിമരിച്ചത്. കോച്ചിങ് സെന്റര് അഡ്മിനിസ്ട്രേറ്ററെയും സഹപാഠിയായ യോഗേശ്വരനെയും പോലീസ് ചോദ്യം ചെയ്തു. പ്രണയ നൈരാശ്യമാണ് ആത്മഹത്യക്ക് കാരണമെന്ന് പോലീസ് അറിയിച്ചു. മുറിയില്നിന്ന് പ്രണയലേഖനങ്ങളും മൊബൈല്ഫോണ് സന്ദേശങ്ങളും പോലീസ് കണ്ടെടുത്തു. മരണത്തില് സംശയമുണ്ടെന്ന് ആരോപിച്ച് മാതാപിതാക്കള് പോലീസില് പരാതി നല്കി.
