മലപ്പുറം : കൊറോണ വൈറസ് വ്യാപനത്തിന്റെ പശ്ചാത്തലത്തില് നിരീക്ഷണത്തില് കഴിഞ്ഞയാള് മരിച്ചു. വളാഞ്ചേരി സ്വദേശി അബ്ദുള് മജീദ് ആണ് മരിച്ചത്. നിരീക്ഷണത്തിനായി മഞ്ചേരി മെഡിക്കല് കോളേജ് ആശുപത്രിയിലാണ് ഇയാളെ പ്രവേശിപ്പിച്ചിരുന്നത്. ന്യൂമോണിയയെ തുടര്ന്ന് ഇന്നലെയാണ് അബ്ദുള് മജീദിനെആശുപത്രിയില് നിരീക്ഷണത്തിലാക്കിയത്. മജീദിന്റെ സ്രവങ്ങള് പരിശോധനക്കായി അയച്ചിട്ടുണ്ട്. ഫലം ലഭിച്ച ശേഷം തുടര് നടപടികള് സ്വീകരിക്കുമെന്ന് അധികൃതര് അറിയിച്ചു.
