എടത്വ: കോവിഡ് ബാധിച്ച് മരണമടഞ്ഞവരെ സംസ്ക്കരിച്ച് യൂത്ത് കോണ്ഗ്രസ് പ്രവര്ത്തകര് . ഇന്ന് 12 മണിക്ക് മരണമടഞ്ഞ എടത്വ ഏഴാം വാര്ഡ് വാതപ്പള്ളില് അലക്സാണ്ടര് തോമസിന്റെ (കൊച്ചുകുഞ്ഞ്-85) സംസ്ക്കാരം ആണ് 2 മണിക്കൂറിനുള്ളില് ആനപ്രാമ്പാല് ചര്ച്ച് ഓഫ് ഗോഡ് സെമിത്തേരിയില് കോവിഡ് പ്രോട്ടോക്കോള് പാലിച്ചു കൊണ്ട് യൂത്ത് കോണ്ഗ്രസ് പ്രവര്ത്തകര് നടത്തിയത്.
യൂത്ത് കോണ്ഗ്രസ് ആലപ്പുഴ ജില്ലാ പ്രസിഡന്റ് ടിജിന് ജോസഫ്, ജസ്റ്റിന് മാളിയേക്കല്, മണ്ഡലം പ്രസിഡന്റ് നിബിന് തോമസ്, കൊച്ചുമോന് വാഴപ്പറമ്പില്, അപ്പു ഉലക്കപ്പാടില്, ജം മാമ്മുട്ടില് എന്നിവര് നേതൃത്വം നല്കി. ഇതിനോടകം ഏഴു മൃതദേഹങ്ങള് കോവിഡ് കാലത്ത് സംസ്ക്കരിക്കുന്നതിന് നേതൃത്വം നല്കിയെന്ന് പൊതുപ്രവര്ത്തകനായ ടിജിന് ജോസഫ് പറഞ്ഞു. ജീവനെ പോലും തൃണവത്ഗണിച്ചു കൊണ്ട് മാതൃകപരമായ സേവന പ്രവര്ത്തനങ്ങള് നടത്തുന്ന യുവജന സംഘടനാ പ്രവര്ത്തകരെ സൗഹൃദ വേദി ചെയര്മാന് ഡോ. ജോണ്സണ് വി. ഇടിക്കുള അഭിനന്ദിച്ചു.
അടൂര് നിലമേല് ചരിവുതുണ്ടിയില് പരേതയായ ഏലിയാമ്മയാണ് അലക്സാണ്ടര് തോമസിന്റെ ഭാര്യ. മക്കള് – എബി, സാബു. മരുമക്കള് – ഷൈനി, റീന.
