കൊല്ലം: കോവിഡ് സെന്ററില് ചികിത്സയിലായിരുന്ന രോഗി കെട്ടിടത്തില് നിന്ന് ചാടി ആത്മഹത്യക്കു ശ്രമിച്ചു. ആത്മഹത്യ ചെയ്യാന് ഒരുങ്ങിയ കോവിഡ് ബാധിച്ച രോഗിയെ രക്ഷപെടുത്തി തമിഴ്നാട് സ്വദേശി ശ്രീഹരി (48) ആണ് ആത്മഹത്യക്കു ശ്രമിച്ചത് ഇന്ന് ഉച്ചയ്ക്കു ശേഷമായിരുന്നു സംഭവം. ജില്ലാ ഹോസ്പിറ്റലിലെ കോവിഡ് സെന്ററില് നിന്നും ജനാല വഴി ഇറങ്ങി കെട്ടിടത്തിന്റെ ഷെയ്ഡില് കയറി തലവഴി മുണ്ടിട്ട് താഴേയ്ക്ക് ചാടുകയായിരുന്നു ഇയാള്.
ഷെയ്ഡില് സ്ഥാപിച്ചിരുന്ന എ. സി തള്ളിമറിച്ചാന് ശ്രമിക്കുകയും ചെയ്തിരുന്നതായി നാട്ടുകാര് പറയുന്നു. ചാമക്കടയില് നിന്നെത്തിയ ഫയര്ഫോഴ്സ് സംഘവും കടപ്പാക്കടയില് നിന്നെത്തിയ ഫയര്ഫോഴ്സ് സംഘത്തിന്റെയും സമയോജികമായ ഇടപെടലാണ് കെട്ടിടത്തില് നിന്ന് ചാടിയ ശ്രീഹരിയെ രക്ഷപ്പെടുത്താന് കഴിഞ്ഞത്. കോവിഡ് ബാധിതനാണെന്നറിഞ്ഞപ്പോള് മുതല് ഇയാള് മാനസികമായി തകര്ന്ന അവസ്ഥയിലായിരുന്നു.
