വാഷിംഗ്ടണ് : ലോകത്ത് കൊവിഡ് ബാധിതരുടെ എണ്ണം എട്ട് കോടി കടന്നു. നാല് ലക്ഷത്തിലധികം പുതിയ കേസുകളാണ് റിപ്പോര്ട്ട് ചെയ്തത്. 17,64,185 പേര് മരിച്ചു. രോഗമുക്തി നേടിയവരുടെ എണ്ണം അഞ്ച് കോടി അറുപത്തിയെട്ട് ലക്ഷം പിന്നിട്ടു.
അമേരിക്കയില് ഒരു കോടി തൊണ്ണൂറ്റിനാല് ലക്ഷം പേര്ക്കാണ് ഇതുവരെ വൈറസ് ബാധ സ്ഥിരീകരിച്ചത്. 3,39,757 പേര് മരിച്ചു. രോഗമുക്തി നേടിയവരുടെ എണ്ണം 1.14 കോടി കടന്നു. ബ്രസീലിലും സ്ഥിതി അതീവ ഗുരുതരമായി തുടരുകയാണ്. രാജ്യത്ത് എഴുപത്തിനാല് ലക്ഷം പേര്ക്കാണ് കൊവിഡ് സ്ഥിരീകരിച്ചത്. 1,90,815 പേരാണ് മരണമടഞ്ഞത്. അറുപത്തിനാല് ലക്ഷം പേര് സുഖംപ്രാപിച്ചു.
ഇന്ത്യയില് കൊവിഡ് ബാധിതരുടെ എണ്ണം 1.02 കോടിയോടടുത്തു. മരണം 1.47 ലക്ഷവും കടന്നു. ചികിത്സയിലുള്ളവരുടെ എണ്ണവും പ്രതിദിന മരണവും കുറയുകയാണെന്ന് കേന്ദ്ര ആരോഗ്യമന്ത്രാലയം അറിയിച്ചു. കഴിഞ്ഞ ദിവസം 251 പേരാണ് കൊവിഡ് ബാധിച്ച് മരിച്ചത്. ആറരമാസത്തിന് ശേഷമാണ് പ്രതിദിന മരണം 300ല് കുറയുന്നത്. രോഗമുക്തി നേടിയവരുടെ എണ്ണം 97 ലക്ഷം പിന്നിട്ടു. രോഗമുക്തി നിരക്ക് 95.78 ശതമാനമായി വര്ദ്ധിച്ചു.
