ഡല്ഹി : രാജ്യത്ത് കോവിഡ് ബാധിതര് 21 ലക്ഷം പിന്നിട്ടു. മരണം 43500 ന് അടുത്തെത്തി. മഹാരാഷ്ട്രയിലും ആന്ധ്രാ പ്രദേശിലുമാണ് രോഗബാധിതര് കൂടുതല്. മഹാരാഷ്ട്രയില് രോഗബാധിതരുടെ എണ്ണം അഞ്ചു ലക്ഷം കടന്നു. രാജ്യത്തെ 8 സംസ്ഥാനങ്ങളിലെ 13 ജില്ലകളിലാണ് കോവിഡ് രോഗികളിലെ ഏകദേശം ഒമ്പത് ശതമാനവും മരണത്തിലെ പതിനാല് ശതമാനവുമുള്ളത്. ആലപ്പുഴയും തിരുവനന്തപുരവും ഈ പട്ടികയിലുണ്ട്. സംസ്ഥാനങ്ങളുടെ കണക്ക് പ്രകാരം പ്രതിദിന രോഗബാധിതര് ഇന്നും 60,000 മുകളില് പോയേക്കും. മഹാരാഷ്ട്രയില് 12,822 പുതിയ കേസുകള് സ്ഥിരീകരിച്ചു. രോഗബാധിതര് 5,03,084 ആയി. ആന്ധ്രയില് 10,080 കേസുകള് കൂടി സ്ഥിരീകരിച്ചതോടെ ആകെ കേസ് 2.17 ലക്ഷമായി. മരണം 2000 ലേക്ക് അടുത്തു. കര്ണാടക, തമിഴ്നാട്, ബംഗാള്, ഉത്തര്പ്രദേശ് എന്നിവിടങ്ങളിലെല്ലാം രോഗബാധ രൂക്ഷമായി തുടരുകയാണ്. ഡല്ഹിയില് കോവിഡ് ബാധിതര് 1,44,127 ആയി ഉയര്ന്നു.
