മുംബൈ : മഹാരാഷ്ട്രയില് പോലീസുകാര്ക്കിടയില് കോവിഡ് വ്യാപനം രൂക്ഷമാകുന്നു. കഴിഞ്ഞ 24 മണിക്കൂറിനിടെ 63 പോലീസുകാര്ക്കാണ് കോവിഡ് സ്ഥിരീകരിച്ചത്. ഒരു പോലീസ് ഉദ്യോഗസ്ഥന് മരിക്കുകയും ചെയ്തു. സംസ്ഥാനത്ത് ഇതുവരെ 127 പോലീസുകാരാണ് കോവിഡ് ബാധിച്ച് മരിച്ചത്. നിലവില് 1,333 പോലീസുകാര് കോവിഡ് ബാധിച്ച് ചികിത്സയില് കഴിയുന്നുണ്ട്. അതേസമയം മഹാരാഷ്ട്രയില് കഴിഞ്ഞ 24 മണിക്കൂറിനിടെ 41,327 പേര്ക്കാണ് കോവിഡ് സ്ഥിരീകരിച്ചത്. 29 പേര് മരിക്കുകയും ചെയ്തു. 2,65,346 പേര് ചികിത്സയില് കഴിയുന്നു. എട്ട് പേര്ക്ക് ഞായറാഴ്ച ഒമിക്രോണും സ്ഥിരീകരിച്ചു. ഇതോടെ മഹാരാഷ്ട്രയില് ഒമിക്രോണ് സ്ഥിരീകരിച്ചവരുടെ എണ്ണം 1,738 ആയി ഉയര്ന്നു.
