കോന്നി : സീതത്തോട്ടില് സിപഐ – സിപിഎം സംഘര്ഷം. സിപിഐ സീതത്തോട് ലോക്കല് കമ്മറ്റി സെക്രട്ടറിയെ സിപിഐ എം പ്രവര്ത്തകര് മര്ദിച്ചു. സിപിഐ സീതത്തോട് ലോക്കല് കമ്മറ്റി സെക്രട്ടറി സീതത്തോട് പനം തോട്ടത്തില് പി.ജെ തോമസിനാണ് മര്ദനമേറ്റത്. കഴിഞ്ഞ ദിവസം വൈകിട്ട് അഞ്ച് മണിയോടെയാണ് സംഭവം നടന്നത്. സിപിഐ ഫണ്ട് പിരിവ് നടത്തുകയായിരുന്നു ലോക്കല്സെക്രട്ടറിയും കൂട്ടരും. ഇതിനിടയില് സ്ഥലത്തെത്തിയ സിപിഐ എം – ഡിവൈഎഫ്ഐ അവരുടെ മേഖലയാണെന്ന് അവകാശപ്പെട്ടാണ് മര്ദ്ദിച്ചത്. മുന് വൈരാഗ്യമാണ് പ്രശ്നത്തിന് കാരണം എന്ന് സിപിഐ പ്രവര്ത്തകര് ആരോപിക്കുന്നു. മര്ദനത്തില് മുഖത്ത് ക്ഷതമേറ്റിട്ടുണ്ട്. റോജിന്, മോനിഷ് എബ്രഹാം തുടങ്ങിയവരാണ് മര്ദിച്ചതെന്ന് തോമസ് പറയുന്നു. സംഭവത്തില് പോലീസില് പരാതി നല്കി.
