പത്തനംതിട്ട : കേരള സംസ്ഥാന സർക്കാർ അൽപത് കോടി രൂപ പത്തനംതിട്ട ജില്ലാ സ്റ്റേഡിയത്തിനു വേണ്ടി വകയിരുത്തുകയും എന്നാൽ ഇതുവരെ നിർമ്മാണ പ്രവർത്തനങ്ങൾ ആരംഭിക്കാത്തതും ഖേദകരമാണ്. ജില്ലാ കേന്ദ്രത്തിൽ വിവിധ പരിപാടികൾക്ക് ആശ്രയിക്കുന്നത് ഈ കായിക മൈതാനത്തെയാണ്. അടിസ്ഥാന സൗകര്യങ്ങൾ പോലുമില്ലാത്ത സ്റ്റേഡിയം ഉപയോഗിക്കാൻ കഴിയുന്നില്ല. സ്റ്റേഡിയം നിർമ്മാണ പ്രവർത്തനങ്ങൾ ഉടൻ ആരംഭിക്കണമെന്ന് സിപിഐ പത്തനംതിട്ട മണ്ഡലം സമ്മേളനം പ്രമേയത്തിലൂടെ ആവശ്യപ്പെട്ടു.
സിപിഐ പത്തനംതിട്ട മണ്ഡലം സമ്മേളനം അവസാനിച്ചു. മണ്ഡലം സെകട്ടറിയായി അബ്ദുൽ ഷുക്കൂറിനെ സമ്മേളനം തെരഞ്ഞടുത്തു. സിപിഐ പത്തനംതിട്ട മണ്ഡലം സമ്മേളനം സിപിഐ സംസ്ഥാന അസി.സെക്രട്ടറി സത്യൻ മൊകേരി ഉദ്ഘാടനം ചെയ്തു. എ.പി ജയൻ, മുണ്ടപ്പള്ളി തോമസ്, ഡി.സജി, ഗോപിനാഥൻ, അടൂർ സേതു, എം.പി മണിയമ്മ, ജിജി ജോർജ്, വി.കെ പുരുഷോത്തമൻ പിള്ള, സി.പി.ഐ മണ്ഡലം സെക്രട്ടറി അബ്ദുൽ ഷുക്കൂർ, എം.കെ സജി, എസ്.അഖിൽ, സുഹാസ് എം ഹനീഫ്, സാബു കണ്ണങ്കര, എം.അയ്യൂബ്, മിനി ജിജി ജോസഫ്, തുടങ്ങിയവർ പ്രസംഗിച്ചു.