ന്യൂഡൽഹി: പൗരത്വ നിയമ ഭേദഗതിയും സിഎഎയും റദ്ദാക്കുമെന്ന വാഗ്ദാനവുമായി സി പി എം പ്രകടന പത്രിക. പെട്രോൾ വില കുറയ്ക്കും, ആദിവാസികളുടെ സംരക്ഷണം ഉറപ്പാക്കും, കളപ്പണം വെളുപ്പിക്കൽ നിരോധന നിയമം, സ്ത്രീകൾക്കെതിരേയുള്ള കുറ്റകൃത്യങ്ങളിൽ നീതി വേഗത്തിൽ നടപ്പാക്കും. ജമ്മു കശ്മീരിന്റെ പ്രത്യേക പദവി പുനസ്ഥാപിക്കും തുടങ്ങിയ വാഗ്ദാനങ്ങൾ പത്രികയിലുണ്ട്. സ്വകാര്യ മേഖലയിൽ സംവരണം നടപ്പാക്കും, കോർപ്പറേറ്റുകൾ നല്കുന്ന തെരഞ്ഞെടുപ്പ് ഫണ്ട് നിര്ത്തലാക്കുമെന്നും പ്രകടന പത്രികയിൽ പറയുന്നു. ഗവർണർമാരെ നിയമിക്കുന്നത് സംബന്ധിച്ച തീരുമാനം മുഖ്യമന്ത്രി നിർദേശിക്കുന്ന മൂന്നംഗ സമിതിക്കു വിടുമെന്നും പത്രികയിൽ പറയുന്നു. ഗ്രാമീണ തൊഴിലുറപ്പു പദ്ധതികൾക്ക് സമാനരീതിയിൽ നഗര മേഖലയിൽ തൊഴിലുറപ്പു പദ്ധതി നടപ്പാക്കും. വിദ്വേഷ പ്രസംഗത്തിനെതിരെ പ്രത്യേക നിയമം കൊണ്ടുവരും തുടങ്ങിയ വാഗ്ദാനങ്ങളും പത്രികയിലുണ്ട്.
