നാദാപുരം : കുമ്മങ്കോട് ഭിന്നശേഷിക്കാരനായ സി.പി.എം പ്രവര്ത്തകന്റെ വാഹനം തീയിട്ട് നശിപ്പിച്ച നിലയില്. വ്യാഴാഴ്ച പുലര്ച്ചെയാണ് സംഭവം. സി.പി.എം കുമ്മങ്കോട് ബ്രാഞ്ച് അംഗവും ആര്.ആര്.ടി വളണ്ടിയറുമായ ആശാരിക്കണ്ടി അജിത്തിന്റെ വാഹനമാണ് കത്തിച്ചത്. ഭിന്നശേഷിക്കാരനായ അജിത്തിന്റെ ജീവനോപാധിയായിരുന്നു ഈ സ്കൂട്ടര്.
രണ്ടു ദിവസം മുന്പ് തറക്കക്കണ്ടി മുക്കില് ബോംബ് സ്ഫോടനം നടത്തിയും അജ്ഞാതര് ഭീകരാന്തരീക്ഷം സൃഷ്ടിച്ചിരുന്നു. പ്രദേശത്ത് സമാധാനന്തരീക്ഷം തകര്ക്കാനുള്ള ശ്രമമാണ് സംഭവത്തിന് പിന്നിലെന്ന് സി.പി.എം ആരോപിച്ചു. നാദാപുരം ഡി.വൈ.എസ്.പി ജേക്കബിന്റെ നേതൃത്വത്തില് പോലീസ് സ്ഥലത്തെത്തി.