ആലപ്പുഴ : സി.പി.എം ആലപ്പുഴ ജില്ലാ സെക്രട്ടേറിയേറ്റ് യോഗത്തില് പങ്കെടുക്കാന് മുന്മന്ത്രി ജി.സുധാകരന് എത്തി. വോട്ടെടുപ്പ് കഴിഞ്ഞ് ചികിത്സയില് പോയ ശേഷം ഇതാദ്യമായാണ് സുധാകരന് പാര്ട്ടി യോഗത്തിന് എത്തുന്നത്. സംസ്ഥാന സമിതി അംഗീകരിച്ച തെരഞ്ഞെടുപ്പ് അവലോകനത്തിന്റെ റിപ്പോര്ട്ടിങ്ങാണ് ഇന്നത്തെ ജില്ലാ സെക്രട്ടേറിയേറ്റ് യോഗത്തിന്റെ അജണ്ട.
തെരഞ്ഞെടുപ്പ് അവലോകനത്തിനായി ചേര്ന്ന സംസ്ഥാന സമിതിയില് നിന്നും ജില്ലാ നേതൃയോഗങ്ങളില് നിന്നും സുധാകരന് വിട്ടു നിന്നിരുന്നു. അമ്പലപ്പുഴ മണ്ഡലത്തിലെ തെരഞ്ഞെടുപ്പ് പ്രചാരണത്തില് ജി.സുധാകരന് വീഴ്ച വരുത്തിയെന്നും സ്ഥാനാര്ത്ഥിക്കെതിരെ പ്രവര്ത്തിച്ചുവെന്നും തെരഞ്ഞെടുപ്പ് അവലോകന യോഗങ്ങളില് വിമര്ശനം ഉയര്ന്നിരുന്നു. ഇതേ തുടര്ന്ന് വിഷയം പരിശോധിക്കാന് സി.പി.എം സംസ്ഥാന സമിതി അന്വേഷണ കമ്മീഷനെ വെച്ചിരുന്നു.
