തിരുവനന്തപുരം : സിപിഎം പ്രവര്ത്തകരുടെ ആക്രമണത്തില് പരിക്കേറ്റ ഗര്ഭിണിയായ യുവതിക്ക് കുഞ്ഞ് നഷ്ടമായി. സിപിഎം പ്രവര്ത്തകര് വീട് കയറി നടത്തിയ ആക്രമണത്തില് വിഴിഞ്ഞം സ്വദേശിനിയായ ഷീബയ്ക്കാണ് ഗര്ഭസ്ഥ ശിശുവിനെ നഷ്ടമായത്. ഇന്നലെ വിഴിഞ്ഞത്തെ സിപിഎം ബൂത്ത് ഓഫീസ് ആക്രമിക്കപ്പെട്ടിരുന്നു. ഈ ആക്രമണത്തില് പ്രകോപിതരായാണ് സിപിഎം പ്രവര്ത്തകര് കോണ്ഗ്രസ് പ്രവത്തര്കന്റെ വീട് കയറി ആക്രമിച്ചത്. വീട്ടില് അതിക്രമിച്ച് കയറിയ സിപിഎം പ്രവര്ത്തകര് തന്നെ മര്ദ്ദിച്ചതായി ഷീബ ആരോപിച്ചിരുന്നു.
കഴിഞ്ഞ ദിവസമാണ് ഷീബയ്ക്ക് മര്ദ്ദനമേറ്റത്. ഇന്ന് രാവിലെ ആരോഗ്യനില വഷളായതിനെ തുടര്ന്ന് ഇവരെ വിഴിഞ്ഞത്തെ ആശുപത്രിയില് പ്രവേശിപ്പിച്ചിരുന്നു. രക്തസ്രവമുണ്ടായതിനെ തുടര്ന്ന് പിന്നീട് ഇവരെ തൈക്കാട് ആശുപത്രിയിലേക്ക് മാറ്റുകയായിരുന്നു.
