കൊച്ചി : കൊച്ചിയില് നടക്കുന്ന സിപിഎം സംസ്ഥാന സമ്മേളന ചര്ച്ചയില് റവന്യൂ വകുപ്പിനെതിരെ വിമര്ശനം. ഇടുക്കി ജില്ലാ കമ്മിറ്റിയില് നിന്നാണ് ആരോപണമുയര്ന്നത്. പണപ്പിരിവ് നടക്കുന്നുണ്ടെന്നാണ് റവന്യൂ വകുപ്പിനെതിരായ ആരോപണം. പട്ടയമേളകളുടെ മറവില് പണപ്പിരിവ് നടക്കുകയാണെന്നും ഇടുക്കി ജില്ലാ കമ്മിറ്റി ആരോപിക്കുന്നു. സര്ക്കാരിന്റെ നേട്ടം സിപിഐ ഉപയോഗപ്പെടുത്തുകയാണ്. എന്നാല് പ്രതിസന്ധികളില് കുറ്റപ്പെടുത്തുന്നുവെന്നും വിമര്ശനം ഉയര്ന്നു. സിപിഐ എം സംസ്ഥാന സമ്മേളനത്തിന്റെ മൂന്നാം ദിനമായ ഇന്ന് പ്രവര്ത്തന റിപ്പോര്ട്ടില് മറുപടി പറയും. നാളെ വികസന നയരേഖയിലുള്ള ചര്ച്ചയും തുടങ്ങും.
കഴിഞ്ഞ ദിവസം നടന്ന പൊതു ചര്ച്ചയില് പോലീസിനും ആഭ്യന്തരവകുപ്പിനെതിരെയും രൂക്ഷ വിമര്ശനമാണ് ഉയര്ന്നത്. കണ്ണൂര്, തിരുവനന്തപുരം, ഇടുക്കി, തുടങ്ങിയ ജില്ലകളില് നിന്നാണ് രൂക്ഷ വിമര്ശനം ഉയര്ന്നത്. മുഖ്യമന്ത്രി ശ്രദ്ധിച്ചില്ലെങ്കില് പോലീസ് ചീത്ത പേരുണ്ടാക്കും. സംസ്ഥാനത്തെ ക്രമസമാധാന പാലനത്തില് പോലീസ് ഉദ്യോസ്ഥരില് സീനിയര് ജൂനിയര് ഭേദമന്യേ വീഴ്ചയുണ്ടായി. പാര്ട്ടി പ്രവര്ത്തകര് കൊല്ലപ്പെടുമ്പോള് പോലീസ് കൊലയാളികള്ക്കൊപ്പമാണെന്നും വിമര്ശനമുയര്ന്നു.
