വണ്ടിത്താവളം : അത്തിമണിയില് വീട്ടിലെ കിണറ്റില് വീണ യുവതിയെ അഗ്നിശമന സേന രക്ഷപ്പെടുത്തി. പടിഞ്ഞാറേക്കോട് ഷിജിത്തിന്റെ ഭാര്യ രേഷ്മ (23) ആണ് കിണറ്റില് വീണത്. ബുധനാഴ്ച രാവിലെ 6.45 നായിരുന്നു സംഭവം. കിണറ്റില് വീണ ശബ്ദം കേട്ട് ഭര്ത്താവും ബന്ധുവും ഒപ്പം ചാടി രേഷ്മയെ വെള്ളത്തിനു മുകളില് താങ്ങി നിര്ത്തി. തുടര്ന്ന്, സംഭവമറിഞ്ഞ് എത്തിയ അഗ്നിരക്ഷാസേന യുവതിയെ രക്ഷപ്പെടുത്തി താലൂക്ക് ആശുപത്രിയില് പ്രവേശിപ്പിച്ചു. നാല്പതടി താഴ്ചയുള്ള കിണറ്റില് ഇരുപതടിയോളം വെള്ളമുണ്ടായിരുന്നു. ചിറ്റൂര് അസി.സ്റ്റേഷന് ഓഫീസര് കെ.സത്യപ്രകാശാണ് രക്ഷാപ്രവര്ത്തനത്തിന് നേതൃത്വം നല്കിയത്.
