തിരുവനന്തപുരം : സിപിഎം സംസ്ഥാന സെക്രട്ടറിയേറ്റ് ഇന്ന് ചേരും. മന്ത്രി എ.കെ.ശശീന്ദ്രന്റെ രാജിയാവശ്യപ്പെട്ട് പ്രതിപക്ഷം സമരം ശക്തമാക്കിയിരിക്കെയാണു സെക്രട്ടറിയേറ്റ് ചേരുന്നത്. കഴിഞ്ഞദിവസം ചേര്ന്ന അവൈലബിള് സെക്രട്ടറിയേറ്റ് വിഷയം ചര്ച്ച ചെയ്തിരുന്നെങ്കിലും നിലപാട് പരസ്യപ്പെടുത്തിയിരുന്നില്ല. പ്രതിപക്ഷത്തിന്റെ ആരോപണത്തിനു നിയമസഭയില് മുഖ്യമന്ത്രി മറുപടി പറയട്ടെ എന്നായിരുന്നു തീരുമാനം.
എ.കെ.ശശീന്ദ്രനെ ന്യായീകരിക്കുന്ന നിലപാടാണു മുഖ്യമന്ത്രി ഇന്നലെ സഭയില് സ്വീകരിച്ചത്. എന്നാല് യുവതി ശശീന്ദ്രനെതിരായ ആരോപണത്തില് ഉറച്ചുനില്ക്കുന്ന സാഹചര്യത്തില് പ്രശ്നം ഇന്ന് സംസ്ഥാന സെക്രട്ടറിയേറ്റില് ചര്ച്ചയായേക്കും. പ്രശ്നത്തിന്റെ വിശദാംശങ്ങള് അറിയില്ലെന്നുപറഞ്ഞു കഴിഞ്ഞദിവസം സിപിഎം ആക്ടിങ് സെക്രട്ടറി മാധ്യമങ്ങളുടെ ചോദ്യത്തില് നിന്ന് ഒഴിഞ്ഞു മാറിയിരുന്നു.
