തിരുവനന്തപുരം : ബിഷപ്പ്മാര് ജോസഫ് കല്ലറങ്ങാട്ടിന്റെ നാര്ക്കോട്ടിക് ജിഹാദ് പരാമര്ശത്തില് ദുരുദ്ദേശമുണ്ടെന്ന് കരുതുന്നില്ലെന്ന് സിപിഎം സംസ്ഥാന സെക്രട്ടറി എ.വിജയരാഘവന്. ബിഷപ്പിന്റെ പ്രസ്താവന സംബന്ധിച്ച് ചിലര് തെറ്റായ പ്രചാരണം നടത്തി. വ്യക്തികളോ ഗ്രൂപ്പുകളോ ചെയ്യുന്ന തെറ്റുകള് മതത്തിനു മേല് അടിച്ചേല്പ്പിക്കാനാവില്ലെന്നും വിജയരാഘവന് പറഞ്ഞു.
കേരള സമൂഹത്തില് ഭിന്നിപ്പുണ്ടാക്കാന് ശ്രമം നടക്കുന്നതായും വിജയരാഘവന് പറഞ്ഞു. മതനിരപേക്ഷത തകര്ത്ത് രാഷ്ട്രീയ ലഭാം ഉണ്ടാക്കാന് വര്ഗീയ ശക്തികള് ശ്രമിക്കുകയാണ്. ലീഗ് പിന്തുടരുന്നത് മധ്യകാലബോധമാണെന്ന് വിജയരാഘവന് പരിഹസിച്ചു. ഹരിത വിവാദം ലീഗിന്റെ സ്ത്രീവിരുദ്ധതയ്ക്കു തെളിവാണെന്നും അദ്ദേഹം കൂട്ടിച്ചേര്ത്തു.