തൃശൂര് : സര്, വിളിയും സല്യൂട്ട് കൊണ്ടുള്ള അഭിവാദ്യവും വേണ്ടെന്ന് വ്യക്തമാക്കി ടി.എന്. പ്രതാപന് എംപി. ഇതിനെതിരെ ചീഫ് സെക്രട്ടറിക്കും ഡിജിപിക്കും അദ്ദേഹം കത്ത് നല്കി. കേരളത്തിലെ ഒരു പോലീസ് ഉദ്യോഗസ്ഥനും എനിക്കു സല്യൂട്ട് ചെയ്തുകൊണ്ട് അഭിവാദ്യം അറിയിക്കുന്ന രീതി ഉണ്ടാകരുതെന്ന് ആഗ്രഹിക്കുകയാണെന്ന് എംപി വ്യക്തമാക്കി.
സുരേഷ് ഗോപി എംപിയുമായി ബന്ധപ്പെട്ട് കഴിഞ്ഞ ദിവസം ഉണ്ടായ സല്യൂട്ട് വിവാദമാണ് ഇത്തരത്തില് കത്തെഴുതാന് തന്നെ പ്രേരിപ്പിച്ചതെന്ന് ടി.എന്. പ്രതാപന് പറഞ്ഞു. പോലീസ് ഉദ്യോഗസ്ഥരും സിവില് സര്വീസുകാരും മറ്റു സര്ക്കാര് ഉദ്യോഗസ്ഥരും എന്നെ സാര് എന്ന് അഭിവാദ്യം ചെയ്യുന്നതും ഒഴിവാക്കണമെന്ന് താല്പര്യപ്പെടുന്നു. ഇതാണ് കത്തില് വ്യക്തമാക്കിയിരിക്കുന്നത്.