തൃശൂര്: ഭാര്യയുടെ ക്വട്ടേഷനില് ഭര്ത്താവിനെ കടയില് കയറി വാടിവാള് വീശി ആക്രമിച്ച കേസില് ഒന്നാം പ്രതിയെ പോലീസ് കസ്റ്റഡിയില് വാങ്ങി. ആളൂര് പൊന്മിനിശേരി വീട്ടില് ജിന്റോയെ (34) ആണ് പോലീസ് കോടതിയിൽ നിന്നും കസ്റ്റഡിയില് വാങ്ങിയത്. തുടര്ന്ന് ഇയാളുമായി തെളിവെടുപ്പ് നടത്തി. ഗുരുതിപ്പാലയില് പലചരക്ക് കട നടത്തുന്ന കീഴിടത്തുപറമ്പില് ജോണ്സനാണ് മര്ദനമേറ്റത്. ജോണ്സനും ഭാര്യ രേഖയും തമ്മില് വഴക്കിട്ട് അകന്ന് കഴിയുകയാണ്.
കഴിഞ്ഞ ഏപ്രില് 23നായിരുന്നു കേസിനാസ്പദമായ സംഭവം. ഭര്ത്താവിനെ ആക്രമിക്കാന് രേഖ തന്റെ സുഹൃത്തായ ജിന്റോയെ ഏല്പ്പിക്കുകയായിരുന്നു. രേഖയുടെ ഒത്താശയോടെ ജിന്റോ മറ്റു പ്രതികളുമായി ഗൂഢാലോചന നടത്തി കടയില് കയറി ആക്രമിക്കുകയുമായിരുന്നുവെന്ന് പോലീസ് പറഞ്ഞു. ഏപ്രില് 23ന് ഉച്ചയ്ക്ക് ഒരുമണിയോടെ അഞ്ചുപേര് വാടിവാളുമായി വന്ന് കടയ്ക്കകത്തേക്ക് ഇരച്ചു കയറി ജോണ്സനെ ആക്രമിക്കുകയായിരുന്നു. ആക്രമണത്തില് പരിക്കേറ്റ ജോണ്സന് ചാലക്കുടി ഗവ. ആശുപത്രിയില് ചികിത്സയിലാണ്. സ്ഥലത്തെ സി.സി.ടിവി ദൃശ്യങ്ങളും ഫോണ് വിവരങ്ങളും പരിശോധിച്ചപ്പോഴാണ് ജോണ്സന്റെ ഭാര്യ രേഖയാണ് സംഭവത്തിന് പിന്നില് പ്രവര്ത്തിച്ചതെന്ന് പോലീസ് കണ്ടെത്തിയത്.
തുടര്ന്നാണ് പോലീസ് രേഖയെ കേസില് പ്രതി ചേര്ത്തത്. സംഭവ ശേഷം ജിന്റോയും രേഖയും ഒളിവില് പോയി. ജിന്റോ ജില്ലാ സെഷന്സ് കോടതിയല് മുന്കൂര് ജാമ്യാപേക്ഷ സമര്പ്പിച്ചെങ്കിലും കോടതി ജാമ്യം തള്ളിയതിനെ തുടര്ന്ന് ചാലക്കുടി മജിസ്ട്രേറ്റ് കോടതിയില് സ്വയം ഹാജരാവുകയും കോടതി റിമാന്റ് ചെയ്യുകയും ചെയ്തു. തുടര്ന്ന് പോലീസ് കോടതിയില്നിന്നും ജിന്റോയെ കസ്റ്റഡിയില് വാങ്ങുകയായിരുന്നു. പ്രതിയെ സ്ഥലത്തെത്തിച്ച് തെളിവെടുപ്പ് നടത്തി. ജിന്റോ ജോണ്സനെ ആക്രമിക്കുന്നതിനായി സ്ഥലത്തേക്ക് വന്ന ബൈക്ക് പോലീസ് കസ്റ്റഡിയിലെടുത്തു.
ജിന്റോ വിവിധ പോലീസ് സ്റ്റേഷനുകളില് നിരവധി കേസുകളില് പ്രതിയാണെന്ന് പോലീസ് പറഞ്ഞു. പ്രതി രേഖ ഇപ്പോഴും ഒളിവിലാണ്. എസ്.ഐമാരായ വിമല് വി.വി, സി.കെ. സുരേഷ് എന്നിവരുടെ നേതൃത്വത്തിലാണ് കേസന്വേഷണം നടക്കുന്നത്. ആക്രമണത്തില് പങ്കെടുത്ത മറ്റു പ്രതികളായ ചാലക്കുടി കല്ലുപ്പറമ്പില് ഷമീര്, മേലൂര് പേരുക്കുടി വിവേക്, പോട്ട കുറ്റിലാംകൂട്ടം സനല്, ചാലക്കുടി ബംഗ്ലാവ് പറമ്പില് പടയപ്പ എന്ന ഷിഹാസ്, അന്നനാട് കാഞ്ഞിരത്തിങ്കല് സജി എന്നിവരെ സംഭവ ദിവസം തന്നെ അറസ്റ്റു ചെയ്തിരുന്നു. ഇവര് ജയിലിലാണ്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
