പാലക്കാട് : 90 വയസുള്ള പിതാവിനെ മുറിയില്‍ പൂട്ടിയിട്ട മക്കള്‍ക്കെതിരെ പരാതി. പടിഞ്ഞാറേത്തറയില്‍ പൊന്നു ചെട്ട്യാരെയാണ് വീട്ടിലെ മുറിയില്‍ ദിവസങ്ങളോളം മക്കള്‍ പൂട്ടിയിട്ടത്. നാട്ടുകാര്‍ അറിയിച്ചതിനെ തുടര്‍ന്ന് വൃദ്ധനെ പോലീസ് എത്തി മോചിപ്പിച്ചു.
പാലക്കാട് മണ്ണാര്‍ക്കാടാണ് സംഭവം നടന്നത്. സ്വത്ത് എഴുതി വാങ്ങിയ ശേഷമാണ് മക്കള്‍ പൂട്ടിയിട്ടതെന്ന് പരിസരവാസികള്‍ പറഞ്ഞു. ഇതിന് ശേഷം മക്കള്‍ സംരക്ഷണം നല്‍കിയില്ലെന്നും പരിസരവാസികള്‍ വ്യക്തമാക്കി. മണ്ണാര്‍ക്കാട് നഗരസഭാ ചെയര്‍മാന്‍ സി മുഹമ്മദ് ബഷീറും പോലീസും ചേര്‍ന്നാണ് പൊന്നു ചെട്ട്യാരെ മോചിപ്പിച്ചത്.
