തിരുവനന്തപുരം : തെക്ക് – പടിഞ്ഞാറന്, മധ്യ- പടിഞ്ഞാറന് അറബിക്കടലില് ഇന്നു (സെപ്റ്റംബര് 18) മുതല് 20 വരെ മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് മത്സ്യത്തൊഴിലാളികള് ഈ ദിവസങ്ങളില് മത്സ്യബന്ധനത്തിനു പോകരുതെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
സെപ്റ്റംബര് 21നും 22നും ഒറ്റപ്പെട്ടയിടങ്ങളില് ഇടിമിന്നലോടുകൂടിയ മഴയ്ക്കു സാധ്യതയുണ്ടെന്നു കേന്ദ്ര കാലാവസ്ഥാ വകുപ്പ് അറിയിച്ചിട്ടുള്ളതിനാല് പൊതുജനങ്ങള് ജാഗ്രത പാലിക്കണമെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
ഉച്ചയ്ക്കു രണ്ടു മുതല് രാത്രി 10 വരെയുള്ള സമയത്താണ് ഇടിമിന്നല് സാധ്യത കൂടുതല്. ഇടിമിന്നല് ലക്ഷണം കണ്ടാല് തുറസായസ്ഥലങ്ങളില് നില്ക്കുന്നത് ഒഴിവാക്കണം. ജനലും വാതിലും അടച്ചിടണം. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കണം. വൈദ്യുതി ഉപകരണങ്ങളുമായുള്ള സാമിപ്യം ഒഴിവാക്കണം. ഇടിമിന്നല് സമയത്ത് ടെറസിലോ ഉയരമുള്ള സ്ഥലങ്ങളിലോ വൃക്ഷക്കൊമ്ബിലോ ഇരിക്കുന്നത് അപകടകരമാണ്. പട്ടം പറത്തുന്നത് ഒഴിവാക്കണമെന്നും അറിയിപ്പില് പറയുന്നു.
