പത്തനംതിട്ട : വള്ളിക്കോട് വാഴമുട്ടം ഈസ്റ്റ് നാഷണൽ യു പി സ്കൂളിന് സമീപം സാംസ്ക്കാരിക നിലയത്തിനു തീപിടിച്ചു. പത്തനംതിട്ട എസ് ടി ഒ ജോസഫിന്റെ നേതൃത്വത്തില് 2 യൂണിറ്റ് ഫയർഫോഴ്സ് എത്തി തീയണച്ചു. ഇന്ന് ഉച്ചയോടെയാണ് തീ പിടിത്തം ഉണ്ടായത്. ഇവിടെ താത്ക്കാലികമായി വാഴമുട്ടം സ്വദേശിയായ കളരിക്കൽ സരസമ്മയുടെ കുടുംബം താമസിച്ചിരുന്നു. വീട്ടുപകരണങ്ങൾ, തുണി അങ്ങനെ എല്ലാം കത്തി നശിച്ചു. തീ പിടിച്ചതിൽ ദുരൂഹത ഉള്ളതായി പ്രദേശവാസികൾ പറഞ്ഞു.
