ചത്ത തെരുവുനായയുടെ ജഢം നീക്കം ചെയ്യാതെ അധികൃതര്‍

റാന്നി: ബസ് കയറി ചത്ത തെരുവുനായയുടെ ജഢം നീക്കം ചെയ്യാന്‍ തയ്യാറാകാതെ അധികൃതര്‍. ഇട്ടിയപ്പാറ ബസ് ടെര്‍മിനലിലാണ് തെരുവു നായ ബസ് കയറി ചത്തത്. വാഹനം കയറി ചതഞ്ഞ ജഢത്തിനു മുകളിലൂടെ വീണ്ടും ബസുകള്‍ കയറി ഇറങ്ങുകയാണ്. ഇന്നു രാവിലെയാണ് ബസിനടിയില്‍ കിടന്ന നായയുടെ മുകളിലൂടെ വാഹനം കയറി ഇറങ്ങിയത്. പഴവങ്ങാടി പഞ്ചായത്തില്‍ വിവരം അറിയിച്ചെങ്കിലും ആരും തിരിഞ്ഞു നോക്കിയില്ലെന്നാണ് സമീപത്തെ വ്യാപാരികള്‍ പറയുന്നത്.